الرئيسية / مقالة / استغاثة لفخامة الرئيس والنائب العام من ام احمد الجنزوري

استغاثة لفخامة الرئيس والنائب العام من ام احمد الجنزوري

في شغله بيمارس عمله عادي ومقيم في محل اقامتة.

 ‏فجر ٢٧ اغسطس احمد اتاخد من بيته و فجأة اصبح متهم علي ذمة القضية   واتحبس احتياطي واتجددله حبسه ٧ مرات بقاله اكتر من ٤ شهور محبوس ،  و متحققش معاه غير مره واحده من يوم منذ ٣٠ اغسطس  وانتظرنا و كلنا يقين في نزاهة وعدالة القضاء و اكيد انشاء لله ربنا هيظهر الحق و بكره يخرج،  لكن  الشهود خرجوا واحمد لسه محبوس.

احمد  ابن بار و بيحب البلد ديه اكتر من روحه، ووطني، و بيعمل خير فوق ما اي حد  يتخيله، و فاتح بيوت ناس كتير، و شغال في مجال تنظيم الحفلات و تنشيط السياحه و ادارة المطاعم والفنادق منذ أكثر من ١٥ سنه، وبيستثمر كل وقته وجهده و فلوسه في مصر، مشاريعه كلها معترف بها دوليًا ومرخصة من قبل السلطات المصرية  وأكبر شركات الأمن، لم يخالف القانون ولو مره واحده، في تاريخه المهني او الشخصي.

احمد اكتر واحد حازم في تنظيم الحفلات، و عمره ما عمل شيء غير قانوني او غير مرخص، وده بشهادة  الشهود وكل الناس تشهد بكده، من الكبير للصغير. واحنا عائله بنخدم البلد بكل حب، احنا بنتحطم، و الدنيا قفلت في وشنا، و مش قدرين نكمل. حياتنا كلها توقفت.

ياسيادة النائب، انا والله بموت كل يوم من غير ابني جنبي، ارجوك ساعدني يرجع لحضني، ابني محبوس و ايمانه بينفذ و كل دقيقه بتعدي بتقتلني وبتقتله اكتر..

ارجوكم ارفقوا بسيدة مسنه قلبها مقهور علي ابنها  كل ما تتمناه ان تقضي  الباقي من عمرها في حضنه.

 انا واثقه في نزاهة القضاء  و عدله و حرصه علي اظهار الحق،  واتمني ان صوتي  يوصلك وتظهرالحق و ابني  يرجعلي وروحي ترجع ليا.

شكرا وتفضلوا بقبول فائق الاحترام والتقدير.

ام احمد الجنزوي

#الافراج_عن_احمد_الجنزورى

#النائب_العام

0Shares

عن ناصر محجوب

ناصر محجوب مصور صحفى

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

مقالة للأستاذ منير توفيق

هذه مقالة رائعة للأستاذ منير توفيق عبارة عن مجموعة نصائح لمن بلغ ...